Reprod. fasc. de la ed. de: Madrid : Boix, 1840

Bibliografía: p. 63-82

A través de Viages remárcase a vontade creativa de Salas. Promete compartir cos lectores a súas impresións filosóficas sobre a realidade cubana e as súas reaccións persoais ante o visto na illa caribeña. Viages exemplifica o concepto de Orientalismo acuñado por Edward Said moito despois, dado que este libro sobre Cuba nos ofrece unha imaxe da concepción europea do outro e, ao mesmo tempo, define trazos reveladores da identidade dun europeo. O tema dos encontros culturais é fundamental en Viages, pois a realidade americana como exemplo de otredade existe en función do español e do continente onde se sitúe dita nación. A dinámica utilizada por Salas para apropiarse do distante (xentes, costume, paisaxes, cultura) é unha das propiedades máis significativas da obra e, por conseguinte, analízase no estudo preliminar realizado polo catedrático de Literatura Española e Hispanoamericana da Universidade de Colorado, Luis T. González del Valle (Cuba, 1946), que na actualidade traballa nunha monografía sobre un extenso grupo de libros de viaxeros a Cuba durante o século XIX. González del Valle é ademais académico correspondente da Academia Norteamericana da Lengua Española, editor executivo da revista Anales de la literatura española contemporánea, director da Society of Spanish and Spanish-American Studies e secretario executivo da Twentieth Century Spanish Association of America.